地鐵等人無聊之作

大概在年前寫在工作手記的一篇文章
無意中被揭發

"鑒於近日實在有太多成年人士仍未摸索清楚自己的性取向
市面出現了大批假同性戀人士
對同志的感情健康構成了直接威脅
為了你好我好大家好避免一些不必要的不歡而散
現列下一些要點供迷惘人士及同胞們參考：

-曾對同性有過思念的感覺，牽手及親吻的衝動
並不足以表示閣下已不幸的成為同志
-於寂寞時候因有細心善解人意的同性朋友關懷而產生好感關係
不代表妳希望與她發生性關係
-建議無法承受外在內在壓力的人士放棄選擇愛上同性這等麻煩事
-觀看異性性行為時產生性衝動不表示閣下是專橫的異性戀者；
同樣地，觀看同性性行為而躍躍 欲試的亦不代表閣下是個不折不扣的同性戀者
-建議公共福利支持者盡早遠離同性戀這等資本主意之社會身份


愛護同志，由今日開始

愁腸愁出腸

今晚上班遲番早放
已經愉快地約了今天新公司上任的老雲吃晚飯
我們對坐著，對坐著
她跟我說我今天的樣子很不同
追問下原來覺得我的樣子很愁
連笑起來時都愁著臉
老實地跟她說我沒有任何一絲不高興的心情
可能只是皺眉已成為了我的自然反射動作
事實是我的生活比有愛情時已充實得多
我愛創作，結他，色士風，健身，打機，桌球，看電影電視，
購物，約朋友吹水，唱歌欠的可能只是‧‧
我不能相信這是我老k著臉的原因吧
不否認愛情是帶給我最愉快心情的東西
雖然沒有了最頂端的東西
但並不代表我的生活不快樂

還是寂寞是讓人加速衰老的催化劑?

今次都算代表作

自從我遞完辭職信
首次感應到老闆們對我既重視
加左人工態度良好
故此我不得不再次認真地投入我既工作
雖然所做既野同以前一樣咁wet 9
不過在金錢利益底下已經變左另一回事
昨日工作了超過24小時亦可能由於精神狀態關係
發生了一件史無前例核突到令我自尊心受創既事
話說d字頭老闆不知由何時開始喜歡在廠景拍攝期間燒原隻乳豬作晚膳
明爐燒味當然要明左個爐先
多年經驗既我一馬當前想做場好戲
但瞬即引來一眾討厭同事過來揶揄
"個爐個shape都唔得,好難起到喎"
你一言我一語對我既能力產生質疑
於是我心中潛台詞謾罵呢班仆街既同時都同自己講...
唔可以衰比佢地睇
但亦因為咁而埋下了我仆街命運既伏線
為左急功近利我採納了一位路過同事既仆街意見
竟然妄想用白電油可以加速成功但發現效果不大
再三嘗試下加上手忙腳亂竟然令手中既白電油罐著了火
變成了汽油彈
咁正常反應當然會把它遠離自己拋到老遠去
但事情係需要解決
於是我決定用身上既工人手套蓋過電油罐試圖踩熄火種
可惜是不奏效更糟的是連手套也燒著
於是我唯有暫時放棄汽油彈
立即踩熄手套的火盡力去不要讓廠內拍攝中的人知道此事
但一波未平一波又起
剛才提議我用電油的仆街再次無故出現
並拿出清涼蒸餾水直往汽油彈上澆
天呀!這是小學也學過的常識
登時內心為剛才對那同事這等瘋癲的方法付出信任
而辱罵自己是個不折不扣的白痴
那刻才明白為何世上仍會有人在床上被自己的煙蒂燒死
要明白世界總是好事多磨
一位多咀尖酸刻薄既同事撞破了我的好事
站在一旁批判著眼前既火種及我愚蠢的行為
那一刻我表現出出色的冷靜淡淡然回到我的燒味明爐旁
繼續專心於我的工作----透爐
雖然汽油彈及8婆就正正在我的身後
但我明白我不可以再在她面前流露出狼狽慌張的樣子
即使大禍在前仍要處變不驚
結果火種當然被撲熄了
我的工作亦順利地完成
回想昨晚那一幕感覺
確實有點像差利卓別靈掃街踩著蕉皮仆街掃把拍番落塊面度
起身鬧塊蕉皮時再比架貨車輾過一樣

Kiss

工作關係零晨時份獨坐在電腦前
找出一些小童親吻大人的相片
在搜尋器上輸入"kiss"這字
於是乎過百的"kiss"相片鋪滿了螢光幕
有蜻蜓點水有溫柔有激情有無著衫有溫暖的應有盡有
張張都將我既春天思春情懷推向極點頂穿"頂"噴鼻血虛脫暈低
再係惡夢中驚醒返到黎現實
再對住部電腦click住隻無聊mouse放大縮細往下一頁
點解呢d工作要比放左工無野做到唔想番屋企
係公司播著"不想獨自快樂"煲住支煙
呢個世界上最寂寞既人做
我愛死呢份工唔單止要擁抱佢仲巴不得要親吻佢

老銅是我家

曾幾何時覺得銅記除左多老同之外
途人個個都差唔多樣
公司搬左過黎之後
成日都要係條街度穿插好似外賣仔咁
就發現有另一番風味
今日當我戴住個 sennheiser headphone
踩住架單車攞緊最近距離碌唔到前面個人隻腳時係度諗
途人會點睇我呢個唔似外賣仔but成日係老銅飛車既單車人
係一個無業無前途既原居民係度兜風散心?
定係香港d交通真係擠塞成咁....
有時我都會幻想自己揸緊既係bike而唔係bicycle
轉彎睇位剎掣左腳落地比油捐車la
駕車人士大有可能會講
"無野呀....當自己係咩呀?國產少女均速型腳踏車咋喎"

係時候搬弄是非

自從opendiaxx將我既年青情懷徹底擊碎之後
本應該收拾心情學星展班客咁
將d貴重物品擺係床下底枕頭底都唔再擺係保險箱
不過人係唔會磨滅到犯賤既本性
心癢癢係xan記開左個account
寫左幾個post又開始悶
虛榮既我又覺得b記d野有品質d
所以我都係決定搬過黎住一排個邊水電媒幫我hold住先啦唔該