遺下妳的是我

2005年中旬
新發行的陳奕迅大碟u87內收錄了一首<16月6日晴>

回溯到事有湊巧的2004年下旬
我正為寫作一個劇本思考故事結構大綱日夜倒置
她叫<10月8日天晴>

終於想通了故事始末
但當時只是寫了短短的十多頁腳本
然後便被我擱置不理
如果每件事情都慣性被推遲一,兩年光景才自覺要完成
我實在討厭及嫌棄這種與生俱來的行動力時差


10月8日天晴 (暫名) --節錄

序：(背景：輕悠琴聲)

-手特寫，翻弄著抽屜，從中拿出一些小飾物，然後擺放有序地仔細察看

-(淡入黑畫面，再淡出)

-摸索的手找到了一本日記簿，均小心地翻開第一頁

-(口特寫，均開始誦讀日記)

-均v.o：二零零二年二月十二日，天陰，就像妳，悄悄地在妳的身邊經過，可惜妳的視線只停留在那本”蘇菲的世界”內，(語音未完畫面淡黑，再淡出)

-(日記文字特寫)

-均v.o：二零零二年四月八日，毛毛雨，在圖書館外偶遇妳，跟妳打過招呼後，心神恍惚地再次走進剛離開的圖書館內

-均拿起剛才沖泡好的濃郁咖啡送到咀邊，喝完把杯子放下，輕輕地用匙羹撥弄著咖啡，然後再次翻閱著日記

-(咖啡特寫)，均把淡奶倒進咖啡內，淡奶在咖啡內現出圖案

-均v.o：二零零二年十二月二十日，寒冷，在圖書館內，趁妳往洗手間時，偷偷地把手繪的地圖夾在妳的課本內，好讓送給妳的聖誕禮物，及我，跟妳遇上。這是我第一個不再覺得冰冷的冬天

-(梅希畫外音入)：靜雞雞係度睇緊d咩呀?企左係度好耐啦….見妳嘰嘰咕咕咁…..都唔知妳做緊咩?梅希原來早已站在不遠處

-均答道：(遲疑半秒若有所思)哦……岩岩係櫃筒摷出黎既陳年小說之嘛……

-梅希玩弄著均櫃面的擺設，有點敷衍地說：好唔好睇架?

-均面有難色地答：嘻…都唔好睇既，d情節老套到死

-均側面至半身，視線離開日記，望向前方，進入沉思。(均畫外音入)：其實，呢個係一個人地既故事

-(畫面慢慢淡黑)

-出片名，10月8日天晴(暫定)

第一幕：

-(wide shot)某天，回到房中，凱躺在床上只露出雙腳
某某(看不見臉孔)則坐在床邊繼續寫著什麼似的

-close up凱手上拿著一本介紹德國的書本，入神地看著

-某某抬頭望著凱，待了一會說：想去就去囉


-(medium shot)凱坐起來，一手把某某寫著的日記搶了過來

-凱扮作驚叫，手從後圍著某某的頸項：哦! 妳入寫既係邊個?呢本係妳同邊個既偷情記事簿??好快d從實招來啦喎!!!

-某某故弄玄虛答：係呀，我不嬲都同出面另外一個女仔有私情架，鬼叫妳成日自己出左去玩唔理我呀…..

-凱猶疑地說：唔係喎…..點解d情節好似咁熟面口咁既…..

-某某：呢本簿寫既全部都係我同妳既經歷黎之嘛

-凱：點知妳講緊邊個喎….搵”雲”成本簿都見唔到我個名

-某某：唔寫妳個名，係因為驚萬一比屋企人睇到會知道我地既野嘛

-凱：不如咁啦，用假名囉…..妳叫羅拔圖，我叫羅拔臣就得囉

-某某：唔好癲啦….咁鬼複雜，我自己睇得明咪得囉，妳好驚我寫其他人既野落去咩??

-凱：係呀….我係好驚呀….就係驚妳無其他人既野寫落去咋….

-某某：好0Y…我一陣就打比我d侯選partner同佢地聯絡下感情，睇下有無新火花先

-凱(抱著某某)：妳夠膽!!!!????

-某某邊走邊說：係妳叫我既….哈!

(淡入黑畫面)<<<<<<<<<最後碎edit>>>>>>>