為什麼

昨晚十二時離開公司
回家途中一直盤算著看多少隻小丸子既vcd
其後還可以寫寫我個樓花劇本
雖然我公司的電腦中了毒及手機盲了
但仍然無阻我那刻熱誠
回到大堂看更小姐竟跟我說大廈快要停電
還餘下廿多分鐘時間給我用電熱爐洗個澡
為什麼??!!
我不要回到家便上床跟一天說再見
我不要每天張開雙眼便上班，
放工就闔埋眼訓覺我還有很多心事未了
於是在零晨一點前就像變了世界末日般
我試圖找些不用電的東西幹
劇本不用電腦便用紙用筆寫吧
那洗完澡便可開始
突然醒覺.......不行!!因為我沒有燈!也沒有螢火蟲!
於是開始氣餒有一刻甚至想發難到拿著小丸子的vcd來看
係咁唔靜心既環境底下我還是勸自己一句
算吧.......聽下歌算
其實係呢個諗法之前我仲未意會到呢個世界既hifi都要用電
最後一刻我都係意興闌珊咁爛上床
我的哥在我回家後剛睡醒拿著無線電話傾呀傾
我冷冷地拋下他一句"慳番啖氣啦....停電呀..."便上床
他似乎聽不到
跟著就如目睹流星一樣全屋寧靜，一片漆黑
最後只剩下廳出面個傻瓜係度大嗌：
"喂....喂.....喂....????為什麼?做咩呀?做咩d燈熄晒架?"
被窩中的我還在盤算著該不該拿mp3聽聽收音機.......