呍呢嗱的感覺

之前提過的獸形病
結果都係比我一個人ko左
除左帶黎我兩排牙肉腫痛之外
仲比我發現左包裝袋上
獸形病既正確description係"呍呢嗱味餅"

呢個屬於係一個開心大發現
因為我由細食到大既獸形病
原來係我最愛既呍呢嗱味
而我一直都唔知!

提起呍呢嗱
我雖口口聲聲跟別人說我最愛呍呢嗱味的東西
雪糕，蛋糕，奶昔，乳酪，甚至乎ikea既蠟燭
但如果要我形容呍呢嗱是種怎樣的味道
我大概只能這樣回答:
"唔.....係一種白色既味道囉，呍呍地呢嗱味....."
真係有d愧對天下穹蒼百姓
我竟然唔識形容一種我鐘意既味道
定係我應該無賴地將呍呢嗱當係一個形容詞就當交左貨?

anyways
呢個世界永遠都有一些感覺係你唔知可以點形容
例如係身邊常有一些豬妹豬仔向你傾訢
他/她們的男/女朋友有多差勁
問及他們喜歡那些差勁男女朋友的什麼什麼時
永遠都只答出條毛來
他們的標準答案是:
"唔.....唔知呀，鐘意就係鐘意囉，我都唔知可以點解釋....需要解釋既咩?"
原來天下萬物
仲有一種東西能跟呍呢嗱分庭抗禮
呢樣野就係叫做----愛情