滿頭白髮的tee be

一直奇怪為何以這種生活方式生存了好一段日子的我
仍然未死
仍然未有抑鬱症
仍然未有精神分裂
仍然好肥
仍然有家可歸
仍然深夜要係條街度流連
最奇怪既係
竟然仲未有白頭髮

這兩個月我一直未能配合理髮店的營業時間
抽空修剪處理我長到落膊頭厚到可以自動焗油及漆黑到柒柒既頭毛

某個深夜
在家忍不住親自落髮
被我在髮堆中發現了一根白髮

那一刻的感覺是
覺得自己其實沒有想像中的硬淨
我為我的生活
都出產了一根咁大把既白頭髮
但其實
如果一根白髮代表人生的一種無奈
我覺得自己應該早生滿頭華髮
以下淺談一下:

-我尚算年輕可惜時間從來都不屬於我
費煞思量
-如果我趁早死不掉又發唔到達咁老來既日子怎算?
-有天雙親百年歸老而我拗晒頭都諗唔到可以寫誰的名字於受益人一項
-如果我搵到大錢時，間屋大到一個人住唔晒訓唔晒碌唔晒時點算?
-費解雖然我堅持簡單既社交生活但仍然成日無啦家捲入複雜關係漩渦
-諗下點樣可以訓練到一頭狗或者貓可以係我香香公主之後
幫我報警同放盤
-每次入公廁前思考我點樣即刻紋"我係女仔"係額頭度
-成日要分辨玩同認真既分別，
(基本上很多人似乎已將認真視為"玩"的一種)
當我覺得自己被人玩完之後可能我只係被人認真完
其實我無須為此慨嘆因而多出一條白頭髮
-思考如何可以將花在等待一切既時間轉用在睡眠上
-思考點解要係幫加州拍廣告時我先有時間入去坐下
-我的媽擔心我老來的生活，其實我更擔心她擔心我
-每日望天打卦希望可以請到大假一個人去個旅行
-思考為何我每次見到朋友時都會說話，
因為我對目前既人生基本上已無話可說
-已經一個月沒有放過半天假，我很苦惱
苦惱我該為疲累，為工作，還是空虛，還是健康，還是家人，還是朋友，
還是我掛念的人而低落，但通常已沒有能力選擇，
繼而進入吽豆狀態