I LOVE U GALZ

今早返工精神爽利
為何?
還不是昨晚分別在四間酒吧來了個心靈加油站及壓力抒發工作坊
煲心靈雞湯我飲既係傾國傾城的瑤
我大學至今的好友
雖不至於有月經聚會
但我就是很喜歡跟她談東說西
每次她都能令我得著一些東西
而我總是覺得她有一份成熟女性的睿智
加上我們於情感上的敏感程度相近
跟她"談情說愛"時總是有種被呵護的感覺(雖然有點肉麻但不得不這樣形容)
很久沒有跟朋友站在銅鑼灣街頭中心嗡鼻整手風琴鼻
很久沒有跟朋友在深夜時代廣場外繞住手玩配音玩成三個字
亞婆扶手解決方法確是一絕
紅湯doo doo doo doo通粉亦已可以令伊人皮笑肉都笑
hyper既瑤連我用upper黎形容佢都笑到收唔到口
我驚我過左今晚會鐘意妳
不過我會先剪短髮腳，除左條紅繩同見妳時先用個背脊得住妳
咁我便大有可能得到妳情不自禁的頸吻，哈哈

多謝妳鼓勵我要忠於自己
更願意與我分享妳自己的故事
亦可能是妳的故事太感動的關係
妳跟我的眼球都長時間keep係五倍水凝保濕既狀態
不能忘記的哭笑難分off beat位係當我向waitress攞tissue時
waitress以為我想要tiramisu
我返回座位跟瑤說:"唔好意思，我可唔可以笑下先"
加上一個大家之後各有下round的收場及
同場加映的士來電wa..wao效果
這是個令人很滿足的親善訪問

下round原定跟亞妙來過親善訪問
因她遇著跟我exact7ly一能樣的遭遇及更糟的憾事
一次半次兩個有心事的人發癲未嘗不是件樂事
之後我們轉了三個場，也算是癲瘋代表作
最後我們每人拿著一樽啤酒
剛進入酒吧
亞妙便被一眾員工起哄簇擁
而我更被老闆認真地凝重地問我是否亞妙的partner
當時心中大笑累積數量:十個
但我面色仍然死灰，冷淡地嚴正否認

然後
由於亞妙的關係
我們有免費酒喝了
不過我體內的酒精成份其實已超標以久
於是便把手放在隔鄰的椅背上
剛巧亞妙回來坐下來
就是這樣
令我"銀牙"一聲的事情發生了

事緣有一tb員工看到我把手放在亞妙的椅背上
就無緣無故走過來重語氣地凶我
為何現在的小朋友都這樣不成熟沒有禮貌
我雖然醉了，但還是想聽聽她在說些什麼廢話
請各位留意當時我仍然是面如死灰的
然後她大概說我是否對亞妙有意思，做mud能野用隻手搭住佢
我看到她肉緊的表情及語氣
對不起
那刻在我心中大笑之累積數量突然"蕉"一聲急升到一百個
我失控地放聲大笑
我諗我半年黎都無試過咁笑法，笑到即使有難聽卡拉ok都掩蓋不了我在酒吧內的環迴立體笑聲
笑到keep住擘大個口"浪"乾左條痢
為何我會如斯豪邁奔放?
第一個閃過的念頭是
大人既事細路仔妳係唔會明白
妳何須如此動氣呢?妳慳番啖氣啦
妳細粒過我瘦過我又無黎啦家走埋黎凶我
我對住女朋友有幾脆弱幾善良但係唔代表對踩埋黎既人會客氣
我比左六千幾蚊出黎做gym唔係野黎架
雖然妳係唔識計數但係我都會欣賞妳對愛情既勇氣
妳咁樣對我我唔會嬲妳因為我只係覺得妳既表現好可笑好幼稚

大笑過後
我輕鬆地說:要一齊唔洗等到今日先一齊呀嘛
而亞妙亦接得好，"係囉....如果係既話我地今晚番左屋企攪野啦"
大家再同聲大笑
之後我覺得仍未玩夠
平靜地問那dee dee是否對亞妙有意思
dee dee仍然一臉認真地回答係及靠於亞妙身邊
於是我問亞妙，人家對妳有意思，妳覺得點呀?
亞妙連聲叫我不要說笑唔好玩
然後我覺得圍到皮，便停止了這個話題
Dee Dee開始意識到自己有幾羅
於是拿著酒樽走過來......
佢唔係要爆我樽，只是友善地要跟我飲杯沙個lum
但係大佬，我心知自己到頂架啦喎，妳唔洗碰杯頂呀嘛
但基於禮儀，唯有硬食
唉，宜家d細路真係，咁鐘意攪事，又要攪著我
真係"無聊......直‧迫‧你~"

細路
護花既氣概係需要有
但係都要攪清楚情況時間對方對對象先表現出黎
同埋女妳可以溝
但唔該妳先提升下自己內內外外，好嗎?
或者，搵番同妳一類人既對象囉

我不明白是否我跟哪個女孩單獨外出就代表我是她們的partner
還是我的外表像個情場殺手鬼見愁
而承蒙各路江湖好b既敵視及高估
我可以講，我唔係囉
多謝厚待

雖然是飲醉了及單身狀態
但係我都唔會無賴得跟別人說我什麼都記不起或錯認了對方是別個某某
很感激在我最脆弱的時候妳給我的安慰及溫暖
及借醉行凶
講完


(P.S:終於明白自己為何對街上的陌生美女一直反應不大，
原來是因為身邊好友中漂亮有內涵的已多的是，還何需外求呢?
今早醒來的第一個念頭是，上天待我不薄了，我仲咩仲要自傷自憐呢?)